Ауежай қызметкерлері жұмыс орнында багажы мен жүгі бар көлік тиегішінің салонында ес-түссіз жатқан жүргізушіні тапқан.
ERNUR.KZ. Астана әуежайында жүк тиегіштің жүргізушісі қайтыс болды. Қайғылы оқиға 2 қарашада болды. Бұл туралы ресми өкіл - елордалық әуе айлағының PR қызметінің жетекшісі Тойгүл Жұбанісова хабарлады, деп жазады zakon.kz.
"Ауежай қызметкерлері жұмыс орнында багажы мен жүгі бар көлік тиегішінің салонында ес-түссіз жатқан жүргізушіні тапқан. Осыған байланысты фельдшерлік-акушерлік пунктке дәрігерлерден перронға шақырту түсті. Дәрігерлер реанимациялық шаралардан кейін жүргізушінің қайтыс болғанын растады", - делінген мәлімдемеде.
Тойгүл Жұбанісова қаладан келген полицияның жедел-тергеу тобы жедел-іздестіру шарасын жүргізгенін, одан кейін олардың сүйемелдеуімен әуежайдың медицина орталығынан жедел жәрдем көлігімен мәйіт елорданың сот-медициналық сараптама орталығына жіберілгенін түсіндірді.
Сонымен қатар жүргізуші 2023 жылдың қазан айында медицина тексеруінен өткені айтылады.
"Таңертең ауысым алдындағы міндетті медицина тексеруі болды, денсаулығына шағымдар болған жоқ. Әуежай марқұмның отбасына тиісті әлеуметтік көмекті көрсетеді", - дейді Тойгүл Жұбанісова.
2023 жылдың 1 қарашасында әуежай жолаушылар үшін маңызды хабарландыру жасады. Баспасөз қызметі жоғалған заттарды қайтару жолын егжей-тегжейлі түсіндірді.
![](/assets/thumbnails/70/70e867ff619e63707a229be691a7b0d9.jpg ""Екеуміз де тастандымыз" - алматылық ару мұңын шақты")
![](/assets/thumbnails/9b/9b5b97165f02686ee976d7c0cdeaedd4.jpg ""Ата-анам достарымен "құда боламыз" деп келіскен, ал қазір зардабын мен тартып жүрмін"")
