Полицияның алдын ала мәліметі бойынша ол 9-қабаттың терезесінен құлаған.
фото: Sputnik / Ксения Воронина
ERNUR.KZ. Астанада 19 жастағы ұлын төрт жігіт қинап өлтіріп, 9-шы қабаттан лақтырып жібергенін айтқан әйелдің видео үндеуінен кейін елорда полициясы оқиғаға түсініктеме берді, деп жазады sputnik.kz.
Ведомствоның хабарлауынша 19 жастағы жігіттің мәйітін табу фактісі бойынша полиция қызметкерлері қылмыстық іс қозғаған.
"Алдын ала мәлімет бойынша ол 9-қабаттың терезесінен құлаған. Оқиғаның барлық қатысушысы анықталды. Болған оқиғаның мән-жайын анықтау бойынша жұмыстар жүргізіліп жатыр", - деп жазылған хабарламада.
Тараптардың, оның ішінде марқұмның анасының барлық дәлелі мен мәлімдемесі тергеу шеңберінде мұқият тексеріледі.
Аталған іс Астана қаласы полиция департаменті бастығының ерекше бақылауында.
