Әзірге қаза тапқандар мен зардап шеккендер туралы ақпарат жоқ.
ERNUR.KZ. Елордада Мирный көшесі, 19 мекенжайында орналасқан көпқабатты ғимараттан өрт шықты, деп жазады inform.kz.
«16 шілде күні сағат 16:46-да Нұр-Сұлтан қаласының Төтенше жағдайлар департаменті бөлімшелеріне Мирный көшесі, 19 мекенжайында орналасқан жеке үйдің өртеніп жатқаны туралы хабарлама түсті. Оқиға орнына жеткен өрт сөндірушілер жанып жатқан ғимараттың монша екенін анықтады. Қазіргі уақытта онда өрт сөндіру бөлімшелері жұмыс істеп жатыр», - деп мәлім етті Нұр-Сұлтан қалалық төтенше жағдайлар департаментінің баспасөз қызметінен.
Әзірге қаза тапқандар мен зардап шеккендер туралы ақпарат жоқ. Әлеуметтік желілерде тараған видеолардан тұрғындар ғимаратқа барар жолда орналасқан көліктерді қолмен көтеріп, өрт сөндіру машиналарына жол ашып жатқанын көруге болады.
