Астанада мектеп оқушысы түрлі пышақ жарақаттарымен ауруханаға түсті

Желіде тараған ақпаратқа сәйкес қыз Назарбаев зияткерлік мектебінің 12-сыныбында оқиды. Алдын ала мәлімет бойынша қызды оның кездесіп жүрген жігіті пышақтап кеткен.

Полиция қазіргі таңда күдіктіні ұстаған. Оған “Кісі өлтіруге оқталу” бабымен іс қозғаған.

“Жарақат алған оқушы қыз №2 көпсалалы ауруханада ем қабылдап жатыр. Денсаулық сақтау басқармасының өкілдері қыздың алдыңғы құрсақ бөлігінен көп жарақат алғанын мәлімдеді. Қазіргі таңда құрсақ бөлігіне ота жасалды. Жағдайы ауыр, бірақ тұрақты”, – деп жазды телеграм-арнада.

Желіде қыздың іші, бөксесі, қолы мен мойнынан жарақат алғаны айтылған.