Тінту кезінде ер адамнан 2,2 миллион теңге тәркіленді.
Фото: скриншот
ERNUR.KZ. Атырауда облыс тұрғынынан 2,5 миллион теңге бопсалады деген күдікпен 35 жастағы ер адам ұсталды, деп жазады azattyq-ruhy.kz.
Полицияның мәліметінше, күдікті – Индер ауданының тұрғыны. Оны облыстық полиция департаментінің экстремизмге қарсы іс-қимыл басқармасының қызметкерлері қолға түсірген.
Тінту кезінде күдіктіден 2,2 миллион теңге тәркіленді. Тергеу нұсқасы бойынша, бұл ақша бопсалау жолымен алынған болуы мүмкін. Аталған дерекке байланысты сотқа дейінгі тергеу басталды.
Қылмыстық-процестік кодекстің 201-бабына сәйкес, тергеу мүддесіне байланысты өзге мәлімет жария етілмейді.
