Атырауда өртенген үйден 5 бала құтқарылды

ERNUR.KZ. Атырауда көпқабатты тұрғын үйден өрт шығып, 6 адам эвакуацияланды. Олардың бесеуі - балалар, деп жазады Azattyq Rýhy.

«Бесқабатты тұрғын үйдің бесінші қабатынан өрт шықты. Құтқарушылар оқиға орнына барғанда пәтердің кіреберісінде тоңазытқыш пен тұрмыстық заттар өртеніп жатты. Жоғары қабаттан 6 адам, соның ішінде 5 бала эвакуацияланды. Тағы 5 адам далаға өз бетімен шықты», - деп жазылған хабарламада.

Өртті сөндіруге Төтенше жағдайлар департаментінің 15 қызметкері мен 4 техникасы жұмылдырылды.