Бас прокуратура мәйітханадан серіктесінің денесін ұрлаған ер адам туралы айтты

Елімізде серіктесінің денесін мәйітханадан ұрлап кеткен қазақстандық қамауға алынған. Бұл туралы Бас прокуратура қылмыстық қудалау қызметі басшысының орынбасары Елдос Қилымжанов айтып берді, деп хабарлайды ERNUR.KZ.

Айтуынша, кейбір желі қолданушылары істің мән-жайын білместен, қылмысқа қатысты өз деректерімен бөлісуде.

"Елімізге белгілі спортшылардың бірі Facebook-тегі парақшасында азамат М.-ге қатысты негізсіз шара қолданылғаны жөнінде ақпарат жариялаған", – деді Қилымжанов баспасөз конференциясында.

Прокуратура өкілінің айтуынша, ер адам Қызылордадағы полиция ғимаратына қарулы шабуыл жасады деп күдікке ілінген. Шабуыл кезінде полицейлердің бірі басынан ауыр жараланған.

"Атыс уақытында шабуылдаушылардың бірі өлтірілді. Түнде М. мәйітханаға кіріп, серіктесінің денесін ұрлап әкетті. Ол марқұмның полицейлерге шабуыл жасағанын жасыруға тырысқан", – дейді Қилымжанов.

Ол мұндай қылмыс жасағандардың қамауға алу туралы жазасы өзгертілмейтінін кесіп айтты.