Маңғыстау облысындағы Бейнеу ауданында лото клубын өртеп жіберген тұрғын бостандыққа шықты. Өткен аптада «жынорданы өртеймін» деп бейнеүндеу жолдаған жігіт оқыс әрекетімен жұртты дүрліктірген еді.
ERNUR.KZ. Маңғыстау облысында лото клубын өртеп жіберген жігіт қамаудан босатылды, деп жазады Экспресс К.
Облыстық Полиция департаменті өткен аптада Бейнеу ауданындағы лото клубын отқа ораған тұрғынның ұсталғанын хабарлаған болатын.
Әсет Сүлейменов енді өзінің босатылғанын айтып, әлеуметтік желіде жазба жариялады.
"Менің жағдайым жақсы. Үш ұлым мен қызыммен бірге үйдемін. Көпшілік жекеме жазып жатыр. Мені ешкім қудалап жатқан жоқ. Бәрі де уақытша. Бастысы бас аман болсын! Ер жігіттің басында қыл арқан шірімес деген. Аман болайық", — деп жазды Әсет Сүлейменов.
Маңғыстау облысында аудан тұрғын туралы бірнеше бейнеүндеу тарап, онда оның ғимаратты өртеп жатқан сәті талқыға түскен. Ғимараттың сау-тамтығын қалдырмаған оған жерлестері аяушылық білдірді.
![Мектепте](/assets/thumbnails/a8/a81812a6683abcb84cf65bebc6967ad0.jpeg "Мектепте "АТА-АНАЛАР КҮНІН" өткізудің маңыздылығы қандай?")
![](/assets/thumbnails/01/019de2508f028fd1a011a76c9d5ff382.jpg ""Байлығына бола тиіп ем, ақшасы бақытты етпеді"")
