2003 жылы туған күдікті К. А. Бішкек қаласы ішкі істер басқармасының уақытша ұстау изоляторына қамалған.
ERNUR.KZ. Бішкек қаласында милиция қызметкерін ұрғаны үшін Қазақстан азаматы ұсталды, деп жазады sputnik.kz.
Бұған дейін әлеуметтік желіде қаладағы жанжалдың видеосы тарады. Кадрда екі әйел мен ер адам жас жігітті жұлқылап жүр. Ол Қазақстан азаматы болып шықты. Жерлесіміз бір баланы қорғаймын деп, жанжалдың ортасында қалғанын айтты. Артынан бір ер адам келген. Милиция куәлігін көрсеткен жоқ. Екеуі ерегесіп қалды. Сол кезде қазақстандық оны бір ұрды. Оны да соққыға жыққан.
Бішкектің ішкі істер органдары таратқан мәліметке сәйкес, 17 тамызда "102"-ге Жас Гвардия даңғылында милиционер ұрғаны туралы хабар түскен.
"Сол күні сағат 14:00-де қазақтандық К. А. Жас Гвардия даңғылы мен Тоқтағұл көшесінің қиылысында милиция қызметкерінің заңды талабына бағынбай, бұзақылық ниетпен оны себепсіз ұрған. Тергеуге дейінгі тексерістің нәтижесінде Қырғызстан Республикасы Қылмыстық кодексінің 280-бабы, 2-бөлігі бойынша іс қозғалды", — делінген ресми хабарламада.
Ал А. А. есімді милиция қызметкері ұлттық госпитальдің көмегіне жүгінді. Оның мұрын сүйегі сынған, көзі көгеріп, бас сүйек-ми жарақатын алды. "Миы шайқалды" деген диагноз да қойылды.
"2003 жылы туған күдікті К. А. Бішкек қаласы ішкі істер басқармасының уақытша ұстау изоляторына тоғытылды. Ленин аудандық сотының үкімімен үй қамаққа отырғызылды. Оның анасы жазбаша арыз түсіріп, белгісіз адамдарға қатысты шара қолдануды сұрады. Олар, шамамен, 14:00-де баласына дене жарақатын салған", — дейді милиция қызметкерлері.
Қазіргі кезде милиция қызметкері мен күдіктіке қатысты сараптамалар тағайындалды. 18 тамызда қылмыстық іс Ленин аудандық прокуратурасына жіберді. Тергеу шаралары жалғасып жатыр.
