Бірер күн бұрын Мемлекеттік кірістер комитеті табысын төмен көрсеткен блогерлерге хабарлама жібере бастаған еді.
Фото: freepik.com
ERNUR.KZ. Елімізде блогерлерге жіберілген салық төлеу туралы хабарлама қате болып шықты, деп жазады inform.kz.
- 2025 жылғы 19 ақпанда 594 блогерге жіберілген 53,3 млрд теңгенің 1 014 салық хабарламаның ішінде жалпы сомасы 9,8 млрд теңгеге 93 блогерге жіберілген 169 хабарлама кері қайтарылды. Оның себебі хабарламаны жіберу және өңдеу процесінде техникалық ақау шықты, - деп түсіндіреді Мемлекеттік кірістер комитеті.
Осылайша кірістер комитеті блогерлерге салық хабарламасын қайта қарап жатыр.
Айта кетсек, бірер күн бұрын Мемлекеттік кірістер комитеті табысын төмен көрсеткен блогерлерге хабарлама жібере бастаған еді. Тексеру, салыстыру қорытындысы бойынша 594 тұлғаның табысында 53,3 млрд теңгеге сәйкессіздік анықталған.
Бүгін әлем елдерінде блогерлер қандай салық төлейтіні тақыбырына шолу жасаған едік.