Декларацияны тапсырмаған адамдар қандай жазаға тартылады

0
701

Декларацияны тапсырмағаны үшін алдымен ескерту жасалады, сосын 15 АЕК көлемінде айыппұл салынады.


Декларацияны тапсырмаған адамдар қандай жазаға тартылады

ERNUR.KZ. Қаржы министрлігінің Мемлекеттік кірістер комитеті табыс декларациясын тапсырмағаны үшін қандай жаза қарастырылғанын түсіндірді, деп жазады Sputnik Қазақстан.

Мемлекеттік кірістер комитетінің департамент директоры Нұржан Қуандықовтың айтуынша, декларацияны тапсырмағаны үшін алдымен ескерту жасалады. Ал осы заң бұзушылық бір жылдың ішінде қайталанса, 51 750 теңге (15 АЕК) көлемінде айыппұл салынады.
"Декларацияда толық емес немесе анық емес мәліметтерді бірінші рет ұсынғаны үшін – ескерту, ал бір жыл ішінде қайталап бұзғаны үшін – 10 350 теңге (3 АЕК) көлемінде айыппұл салынады", - деді Қуандықов орталық коммуникациялар қызметінде өткен брифингте.
Салық заңнамасына сәйкес, объектілерін жасырғаны үшін де айыппұл бар. Яғни төленбеген салық сомасының 200% мөлшерінде қаржы өндіріледі. Ал заң бұзушылық бір жылдың ішінде қайталанса, айыппұл 300% болады.
Қазақстанда екі жыл бұрын жалпыға бірдей декларациялау басталды. Алдымен мемлекеттік қызметшілер мен оларға теңестірілген адамдар, сондай-ақ олардың жұбайлары, одан кейін квазимемлекеттік сектордың қызметкерлері мен олардың жұбайлары табыс есебін тапсыруға міндеттелді. Ал келесі жылдан бастап заңды тұлғалардың басшылары, құрылтайшылары, жеке кәсіпкерлердің басшылары, сондай-ақ олардың жұбайлары, шамамен 3,9 миллион адам декларация тапсырады.
Айта кетері, декларация адамның тұрғылықты жері бойынша 2024 жылдың 15 қыркүйегіне дейін тапсырылады. Сондай-ақ табыс есебін "Салық төлеушінің кабинеті", "Электронды үкімет" веб-порталдары, "e-salyqАzamat", Halyk, Банк Центркредит мобильді қосымшалары арқылы тапсыруға болады.
Декларацияны қағазбен пошта арқылы тапсыруға да мүмкіндік бар.