Денсаулық сақтау министрлігі Маңғыстау облысында балалардың улану дерегіне қатысты тексеруді бастады

0
155

Оқиғаға байланысты санитариялық-профилактикалық іс-шаралар өткізу туралы қаулы шығарылып, әкімдіктің жанынан штаб құрылған.


Денсаулық сақтау министрлігі Маңғыстау облысында балалардың улану дерегіне қатысты тексеруді бастады

Фото: Денсаулық сақтау министрлігі

ERNUR.KZ. Денсаулық сақтау министрлігі Маңғыстау облысының Бейнеу ауданындағы Манаш жалпы білім беретін мектебінің 12 оқушысының арасында тамақтан болған топтық инфекциялық ауру фактісі бойынша тексеру басталғанын хабарлады, деп жазады inform.kz.

Дерекке қарағанда, оқиғаға байланысты санитариялық-профилактикалық іс-шаралар өткізу туралы қаулы шығарылып, әкімдіктің жанынан штаб құрылған. Сонымен қатар Манаш аудандық полиция басқармасына, Маңғыстау облыстық полиция департаментіне, білім басқармасына, аудандық және облыстық прокуратураға хаттар жіберілді.

Манаш аудандық полиция басқармасы хабарламасының негізінде мектептің асханасы жабылды.
- Тергеу шеңберінде басқарма мамандары ҰСО Маңғыстау облысы филиалының мамандарын тарта отырып, тамақ өнімдерінің, судың, шайындылардың, дезқұралдардың сынамаларын іріктей және қызметкерлерді ішек инфекциясын тасымалдауға зерттеп-қарай отырып, нысанға шығуды жүзеге асырды, сынамалардың нәтижелері жұмыста, - делінген ақпаратта.
Уланған 14 жастағы жасөспірімдер амбулаториялық емделуде, медицина қызметкерлерінің бақылауында. Қабылдау бөлмесіне түскен кезде олар құсу, жалпы әлсіздік, іштің өтуі, іштің ауыруы, жағдайының қанағаттанарлық екені туралы шағымданды.
Сауалнамаға қатысқан мектеп оқушыларының ата-аналары ауруды мектептің асханасындағы сапасыз тамақпен байланыстырады, онда бастауыш сыныптардың 417 оқушысы ыстық тамақпен қамтылған.
460 бала зардап шеккен Мұнайлы ауданында балалардың жаппай улануына байланысты мектеп асханасын жалға алушыға қатысты қылмыстық іс аяқталып,материалдар сот органдарына берілгенін естеріңізге сала кетейік.