Депутат журналистерді қолтырауынға теңеді

ERNUR.KZ. Мәжіліс депутаты Самат Нұртаза журналистерді қолтырауынға теңегені үшін кешірім сұрап, мұны болмашы әзіл деп атады, деп жазады tengrinews.kz.

Самат Нұртаза әлеуметтік желідегі парақшасында журналистерді қолтырауынға теңегенін, себебі БАҚ өкілдерінің кейбір депутаттардан сұхбат алуға ұмтылатынын, ал кейбіреулері оларға қызық емес екенін түсінбейтінін атап өтті. Оның айтуынша, мұндай ұқсастық "Жануарлар әлемінде" бағдарламасын көргеннен кейін пайда болды, онда бауырымен жорғалаушылар адасып, суағардағы ең қорғансыз жануарлар тобына шабуыл жасайды.

Депутаттың айтуынша, ол ешкімді ренжіткісі келмеген және болған оқиға оған болашақта жақсы сабақ болмақ.

"Бұл адамдар мен жануарлар әлемімен философиялық салыстыру болды. Мен бұл үшін кешірім сұрадым. Бұл философиялық салыстыруды біреу шөпқоректі, біреу жыртқыш деп тура түсінбеу керек. Яғни, журналистер белгілі бір дәрежеде депутаттарға аңшылыққа түседі. Әр депутат сыртқа шыққанда біреуін ұстайды, кейбіреуіне қызықпайды, біреуін өткізеді. Бұл маған жануарлар әлеміндегі жағдайды еске түсіреді", - деді Самат Нұртаза.