Екі адам өлі табылған: Таразда балға ұстаған маньяк жүргені рас па

ERNUR.KZ. Әлеуметтік желіде «Таразда балға ұстаған маньяк байқалды, зардап шеккендер бар» деген ақпарат тарауда. Жамбыл облысының полиция департаменті пікір білдірді, деп жазады ulysmedia.kz.

Жамбыл облысының полиция департаменті бұл ақпараттың шындыққа жанаспайтынын хабарлады.

Облыс орталығының шағын аудандарының бірінде ер адамның мәйіті табылуына байланысты қылмыстық іс тергелуде. Күдіктіні анықтау және ұстау мақсатында барлық қажетті жедел-тергеу және іздестіру шаралары жүргізілуде. Тергеу барысы полиция департаменті басшылығының бақылауында.

Сонымен қатар, бизнес орталықтың маңында тағы бір ер адам өлі табылған. 61 жастағы ер адам инсульт алып, құлап түскен.

Денесінде зорлық белгілері болмаған. Бұл іс бойынша оқиғаның өзге мән-жайы анықталып жатыр. Соталды тергеу жүріп жатыр.

Сондай-ақ, полиция департаменті заңнамаға сәйкес, жалған ақпаратты, оның ішінде әлеуметтік желілер мен мессенджерлер арқылы таратқаны үшін қылмыстық жауапкершілік көзделгенін ескертті.