Тойға келген 32 адам тамақтан уланған.
ERNUR.KZ. Қалалық ауруханаға отыз шақты адам жүгінді, деп жазады sputnik.kz.
Павлодар облысының денсаулық сақтау басқармасы баспасөз қызметінің мәліметінше, 14 сәуірден бастап қалалық аурухананың инфекциялық бөлімшесіне тамақтан улану және бактериялық ішек инфекциясы белгілері бар пациенттер жаппай жүгінді.
"Эпидемиологиялық анамнезді жинау кезінде олардың барлығы 13 сәуір қарсаңында қаланың кафелерінің бірінде өткен іс-шараның қонақтары екені анықталды. Емделушілер қабылдау бөлімшесінде қаралғаннан және шұғыл медициналық көмек көрсетілгеннен кейін (асқазанды шаю) инфекциялық бөлімшеге жатқызылды. Барлығы 14 сәуірден 15 сәуір сағат 17:00-ге дейінгі аралықта 32 адам жүгінді, оның төртеуі ауруханаға жатқызудан бас тартты, қалғандары қазіргі уақытта ем алуда. Науқастардың жағдайы орташа ауырлық дәрежесі ретінде қарастырылады", – дейді басқармада.
Қалалық санитарлық-эпидемиологиялық бақылау басқармасы тамақтан улану жағдайы бойынша басқарма мейрамханаға қатысты ҚР Кәсіпкерлік Кодексіне сәйкес жоспардан тыс тексеру жүргізіп жатқанын хабарлайды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
