Екібастұздағы апат: жылуды қалпына келтіруге 7 ірі кәсіпорын жұмылдырылды

04.12.2022 09:26

535

Премьер-министрдің бірінші орынбасары Роман Скляр Екібастұздағы апаттың салдарын жою жөніндегі жедел штабтың кезекті отырысын өткізді.

ERNUR.KZ. Отырыста жылуды қалпына келтіру жұмыстарына 7 ірі кәсіпорын жұмылдырылғаны аталып өтті. Олардың әрқайсысына көппәтерлі тұрғын үйлер бекітілген, деп жазады sputnik.kz.

Жөндеу-қалпына келтіру жұмыстарына барлығы 484 адам жұмылдырылды.

Бұған дейін қалпына келтіру жұмыстарына барлығы 50-ден астам техника тартылғаны хабарланған еді. 36 бригада (261 адам) жұмыс істеп жатыр.

3 желтоқсан сағат 12:00-дегі жағдай бойынша 76 үйдің 48-інде жұмыс аяқталды, тағы 28 үй бойынша тиісті жұмыстар жалғасуда. Сонымен қатар қала тұрғындары үшін бұрынғыша 14 жылыту пункті жұмыс істеп тұр.

Қалпына келтіру жұмыстарының барысы – үкімет пен жергілікті атқарушы органдардың бақылауында. Роман Скляр төтенше жағдайдың зардаптары толық жойылғанға дейін Екібастұзда болады.

Павлодар облысы әкімінің міндетін атқарушы Олег Круктың айтуынша, ең проблемалы үйлер – Сәтпаев, 8, Әуезов, 47, 47а.

Бүкіл қала бойынша екі күн ішінде 800 батарея ауыстырылған.