Экология министрі Арал теңізінің құрғаған бөлігінде оазис құруды жоспарлап отыр

29.03.2024 10:30

624

Министр Аралдың құрғаған бөлігінде алдағы екі жылда миллионнан астам көшет отырғызып, көгалдандыруды жоспарлап отыр.

ERNUR.KZ. Еліміздің экология және табиғи ресурстар министрі Ерлан Нысанбаев алдағы екі жылда Арал теңізінің аумағын көгалдандырмақ, деп жазады stan.kz.

Ведомствода Аралды көгалдандырудың екі әдісі қарастырылды. Бірі – тұқым егу, екіншісі – көшет отырғызу. Алайда Ерлан Нысанбаевтың айтуынша, көшет отырғызу әлдеқайда тиімді.

“Теңіздің құрғауынан пайда болған тұзды шаң-тозаң бүкіл облыстың ауыл шаруашылығына кері әсерін тигізетіні белгілі. Сондықтан түбін өсімдіктермен жабу маңызды. Бұл тұздың таралуын азайтады”, – деді министр.