​Елордада Тұңғыш Президент күніне орай дзюдодан ашық турнир өтеді

ERNUR.KZ. 2018 жылдың 1-2 желтоқсан күндері Астана қаласында «Оқушылар сарайында» Қазақстан Республикасының Тұңғыш Президент күніне арналған дзюдодан жасөспірімдер арасында «Оқушылар сарайының» кубогы үшін І ашық турнирінің өтеді, деп хабарлайды ҚазАқпарат.

ҚР Дзюдо федерациясының баспасөз қызметі мәлім еткендей, жарысқа Қазақстанның 14 облысы және Астана, Алматы, Шымкент қалалары мен Қырғызстан, Өзбекстан, Ресей, Моңғолия сынды алыс-жақын шетелден 500-ге жуық дзюдошы қатысады деп жоспарланған.

Жекелей жарыс жеңімпаздары мен жүлдегерлері кубок, медальдармен, грамота мен бағалы заттармен марапатталады.

Ал командалық жарыстың жеңімпаздары 150 мың теңгемен, ІІ орын иелері 80 мың теңге, ІІІ орын алған команда 50 мың теңгеге ие болады.