​Енді қазақстандықтар Ресейге жаңа ереже бойынша сапарлайды

Аталған өзгерістердің 6 жасқа дейінгі балаларға, сондай-ақ Ресейде аккредитацияланған дипломатиялық өкілдіктер мен халықаралық ұйымдардың қызметкерлеріне және олардың отбасыларына қатысы жоқ.

Мысалы, егер туысының қайтыс болуына немесе денсаулығына байланысты шұғыл түрде жолға шығу қажет болса, онда шекарадан кіруге кемінде 4 сағат қалғанда RuID қосымшасы арқылы хабарлап, жеке кабинетке тиісті құжаттар мен анықтамаларды жүктеу қажет.

— Визасыз режимдегі елдердің азаматтарына кірудің жаңа ережелері енгізілді. Бұл біздің еліміздің азаматтарына да қатысты. Атап айтқанда, 30 маусымнан бастап Қазақстан азаматтары Ресей Федерациясына кіруіне 72 сағат қалғанда ProID — бұл жаңа платформа жүйесіне кіріп, жеке кабинетінде деректерді толтырып, фотосы мен жеке мәліметтерін жүктеуі керек. Сондай-ақ, елге бару жоспарына сәйкес кіру және болу мерзімін көрсетуі қажет, — деді Қазақстан Республикасының Ресейдегі елшілігінің кеңесші-консулы Ғазиз Ағыбаев Jibek Joly телеарнасының эфирінде.

Сонымен қатар жаңа ережеге сәйкес Ресейге адыраспан алып кіруге тыйым салынады. Ол құрамында есірткі және психотроптық заттар бар өсімдіктер тізіміне енгізілген. Заң бұзылған жағдайда 3 жылдан 5 жылға дейін бас бостандығынан айыру немесе 1 миллион рубльге (5 миллион теңгеге) дейін айыппұл қарастырылған.

Айта кетсек, өткен жылдан бері қазақстандықтардың адыраспанды көрші елге алып өтпек болғаны үшін сотталған жағдайлар жиілеген.

Айта кетейік, 17 мамырда Қазақстан Президенті Қасым-Жомарт Тоқаев пен Ресей президенті Владимир Путинмен телефон арқылы сөйлесіп, екіжақты ынтымақтастықтың өзекті мәселелерін талқылады.