Елімізде ветеринариялық қызметтердің қолжетімділігін арттыру үшін ветеринариялық пункттер белсенді түрде ашылып жатыр.
Фото: eldala.kz
ERNUR.KZ. Ауыл шаруашылығы вице-министрі Аманғалий Бердалин мал иелері жануарларды уақытында екпеден өткізбесе, қандай шара қолданылатынын айтты, деп жазады inbusiness.kz.
Бұған дейін мұндай бақылау тетіктері болмаған.
"Инфрақұрылым құрылғаннан кейін қосалқы шаруашылықтарға да вакцинацияға қатысты жауапкершілік жүктеледі. Мысалы, ветеринариялық пунктте вакцинация жүргізіліп жатқаны туралы SMS-хабарлама келеді. Егер мал иесі жануарларын әкелмесе, оған айыппұл салынып, жауапкершілікке тартылады", – деді вице-министр.
23 сәуірде Мәжілісте "Ветеринария мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы" заң жобасы таныстырылды.
Құжатта ветеринар мамандарға қосымша төлемдер мен үстемақылар енгізу ұсынылып отыр. Бұл шара мамандықтың жастар үшін тартымдылығын арттыруға бағытталған.
