Бұл ұсынысты Израильдің Ұлттық қауіпсіздік штабы берген.
ERNUR.KZ. Израиль өз азаматтарына антисемитизм көріністерінің көбеюіне байланысты Орталық Азия елдеріне, оның ішінде Қазақстанға бармауға кеңес берді, деп жазады stan.kz.
Бұл ұсынысты Израильдің Ұлттық қауіпсіздік штабы берген. Олар өз азаматтарына Өзбекстан, Қазақстан, Қырғызстан, Түркіменстан, Оңтүстік Африка және Эритреяға бармауға кеңес берді. Батыс Еуропа елдеріне (Ұлыбританияны, Францияны және Германияны қоса), Оңтүстік Америкаға (Бразилия мен Аргентинаны қоса), сондай-ақ Австралия мен Ресейге қатысты Израиль билігі екі қауіп деңгейін белгіледі. Қосымша сақтық шараларын қолдану ұсынылды.
Израильдің Ұлттық қауіпсіздік штабы бұл ұсыныстарды Газа секторындағы әскери операциялар аясында антисемитизмнің күшеюіне байланысты деп түсіндірді. Шетелге сапар шегуді жоспарлағандардан "баратын жерлерді ақылмен таңдау және ұсынылған шараларды сақтау" сұралады.
Айта кетейік, бұған дейін интернетте қазақстандықтар Таяу Шығыстағы жағдайға байланысты Израильге мұнай экспортын тоқтатуды сұраған петиция пайда болған еді.
