​Қалалық ІІД Ramada Plaza-ға көшіп жатыр

ERNUR.KZ. Ішкі істер министрі Қалмұханбет Қасымов Астана полицейлерінің бұрын бес жұлдызды Ramada Plaza қонақүйі болған ғимаратқа көшкенін жариялады, деп жазады Tengrinews.kz.

"Бұл күнді Байқоңыр мен Астана ІІД туған күні деп жазып алсаңыздар болады. Қазір ғана Ramada Plaza әкімдік иелігіне өткені белгілі болды. Әкімдік бұл ғимартты ішкі істер департаментіне өткізіп беретін болып шешім шығарды. Департамент Ramada Plaza-ға көшеді, біз онда жөндеу жұмыстарын бастаймыз", - деді Қасымов.

Оның айтуынша, ғимаратта екі мекеме отырады: Астана ішкі істер департаменті және Байқоңыр аудандық әкімдігі.

"Әрине, көшу жұмыстары жүреді. Осылайша, біз жыл соңына дейін көптеген мәселені шешіп аламыз", - деді Қасымов.