"Қарабах" атақты португалиялық клубты жеңіп, сенсация жасады

0
113

УЕФА Чемпиондар лигасы жалпы кезеңінің алғашқы туры әзербайжандық команда үшін сәтті басталды.


Фото: Қарабах ФК

ERNUR.KZ. Португалия астанасы Лиссабонға қонаққа барған "Қарабах" алаң иелері "Бенфика" клубын ойда-жоқта жеңіп кетті, деп жазады inbusiness.kz.

Ойын "Эштадиу да Луж" стадионында өтті. Алғашқы екі голды португалиялық клуб салды. Энцо Барренечеа мен Вангелис Павлидистің екеуіне де нәтижелі пас берген – Георгий Судаков.

Дегенмен, әзербайжандықтар жақсы ойын-өрнегін көрсетіп, есепті теңестіре алды. Ал жеңіс голын "Қарабақтың" ойыншысы Алексей Кащук 86-минутта тойлады.

Осылайша, олар сырт алаңда ешкім күтпеген үш ұпайды иеленді.

Айта кетейік, "Бенфика" клубы Чемпиондар лигасында тұрақты түрде доп теуіп келеді. "Қарабах" болса, жалпы кезеңге екінші рет ғана шыққан.