Қарағанды облысында үш кенші жарақат алды – біреуінің жағдайы ауыр

18.10.2024 12:53

542

Қарағанды облысында үш кенші жарақат алды – біреуінің жағдайы ауыр.

фото: Telegram-канал Qarmet

ERNUR.KZ. Қарағанды облысындағы Саран шахтасында үш кенші жарақат алды, деп жазады sputnik.kz.

Облыстық денсаулық сақтау басқармасы ұсынған ақпаратқа сәйкес, қазіргі кезде екі кенші үйіне жіберілді.

"Екеуі үй жағдайында емделіп жүр, тағы біреуі стационарда, жағдайы ауыр, қажетті медициналық көмекті алып жатыр", - дейді дәрігерлер.

Айта кетері, наурыз айында Саран шахтасында 43 жастағы кенші көз жұмды. Ол құрылғыны монтаждау кезінде ауыр жарақат алып, салдарынан қайтыс болған.