Бүгіннен бастап аталған шектеулер алынып тасталды.
ERNUR.KZ. Қарағанды облысының Балқаш қаласында коронавирусқа байланысты 24 қазанда енгізілген қатаң шектеулер алынып тасталды, деп жазады ҚазАқпарат.
Естеріңізге сала кетейік, Балқаш қаласының аумағында коронавирус инфекциясының тіркеу жағдайларының көбеюіне байланысты 24 қазан сағат 00.00-ден бастап карантиндік шектеулер күшейтілген болатын.
Қаулыға сәйкес келесі шектеулер енгізілген еді:
1. 65 жастан асқан адамдарға көшеге шығуды шектеу.
2. Кәмелетке толмаған балалардың ересектердің қарауынсыз жүруіне тыйым салу.
3. Жаппай жиналатын орындар: гүлзарлар, саябақтар, жағалаулар мен үйлердің аулаларындағы балалар алаңдары жабылуы.
4. Зейнеткерлер мен мүмкіндігі шектеулі адамдарға көмек көрсету бойынша еріктілердің жұмысын жандандыру (65 жастан асқан адамдарға азық-түлік, дәрі-дәрмек жеткізуге, зейнетақы алуға және т.б. көмек).
5. Бұқаралық ақпарат құралдарында еріктілердің телефондарын, жеткізу қызметтерін жариялау.
6. Өнеркәсіптік кәсіпорындарға жұмысшыларды жеткізетін қоғамдық көліктерді қоспағанда, қала бойынша қоғамдық көліктердің қозғалысын шектеу;
7. Балқаш станциясын, Қоңырат шағын ауданын қоса алғанда, қала аумағында жеке автокөліктің барлық түрлеріне сағат 22.00-ден 05.00-ге дейін жүруге тыйым салу. Құқық қорғау, арнаулы қызметтер мен медициналық мемлекеттік органдар мен ұйымдарды қоспағанда;
8. Қоғамдық тамақтану объектілеріне: объектілердің жұмыс уақытын сағат 22.00-ге дейін шектеу.
9. Азық-түлік сауда объектілеріне: объектілердің жұмысын сағат 22.00-ге дейін шектеу.
10. Қызмет көрсету саласындағы объектілерге: шаштараздар, сұлулық салондары, моншалар, сауналар. Қызмет көрсетуді алдын ала жазылу бойынша қатаң жүзеге асыру, бұл ретте дезинфекциялық іс-шараларды жүргізуді ескере отырып, келушілер арасындағы аралықты сақтау қажет.
11. Кәсіпкерлік субъектілеріне: объектіге келушілерді бетпердесіз және катаральды құбылыстармен (жөтел, мұрынның бітелуі, температура) жібермеуге міндетті.
12. Қалада полиция бөлімі мен әскери полиция күштерімен тәулік бойы патрульдеу ұйымдастыру, 3 адамнан артық адамдардың жиналуына жол бермеу.
13. Балқаш қаласының аумағында орналасқан әскери бөлімдер қашықтағы жұмыс режиміне (қызметкерлердің кемінде 50% - ы), оның ішінде азаматтық персоналға көшіру.
Бүгіннен бастап аталған шектеулер алынып тасталды. Қала аумағында бүкіл облыс бойынша қарастырылған жалпы шектеулер күшінде болады.
