Қаралы қаңтар: Ауыр қылмыс жасаған 83 адам сотталды

18.07.2022 14:57

703

Қаңтар оқиғасы кезіндегі мемлекеттік объектілерді өртеу, мүліктерді жою және терроризм актілері бойынша 5 мыңнан астам тергеп-тексеруліре тіркелген.

ERNUR.KZ. Бұл туралы Бас прокуратура бірінші қызмет басшысының орынбасары Елдос Қилымжанов мәлім етті, деп жазады Ulysmedia.kz.

Қилымжановтың сөзінше, қаңтар оқиғасы кезінде ғимараттарды өртеген, қаруларды ұрлаған, құқық қорғау қызметкерлеріне қарулы шабуыл жасаған 349 күдікті қамауда отыр.

Сол қайғылы күндері қылмыскерлер әскерлерге шабуыл жасап, жолды жауып, көліктерді өртеп, азаматтарды тәртіпсіздіктерді қатысуға көндірген және тонау жасаған. Бүгінде арнайы прокурорлардың іс жүргізуінде жаппай тәртіпсіздіктер бойынша 53 және терроризм актілері 32 қылмыстық іс бар. Тергеу әрекеттерінің аяқталуына қарай істер сотқа жолданып жатыр. Бүгінде 8 өңірде 30 мыңнан аса тергеу әрекеттері жүргізіліп жатыр. 4 мыңнан аса сот сараптамалары тағайындалды. Қазіргі уақытта 349 күдікті қамауда отыр. Олардың қиратуларға, ғимараттарды өртеуге, қаруларды жымқыруға, мемлекеттік объектілерге және құқық қорғау органдары қызметкерлеріне қарулы шабуыл жасауға белсенді түрде қатысқаны анықталды, - деді Бас прокуратура өкілі.

Елдос Қилымжанов әрбір қамауға алынған күдікті бойынша олардың қылмыстарға қатыстылығы туралы мәлімет жеткілікті екенін атап өтті.

«Қаңтар оқиғасы бойынша барлығы 479 қылмыстық іс сотқа жолданды. Олар бойынша 545 адам сотталды.Нақты бас бостандығынан айыру жазасына билік өкілдеріне қатысты күш қолданған, мүліктерді зақымдауға байланысты ауыр қылмыстарды жасағандар, сондай-ақ залалды өтемеген және өтелмеген соттылығы бар 83 сотталушы сотталды», - деді ол.