Режиссер Мұрат Есжан мұндай сыйлықты күтпегенін жасырмай айтты.
ERNUR.KZ. Белгілі кәсіпкер, меценат Сырымбек Тау қалың көпшілікке естен кетпес әсер қалдырған “Міржақып. Оян, қазақ!” фильмінің режиссері Мұрат Есжанға темір тұлпар тарту етті, деп жазады stan.kz.
Қуанышты жаңалықты Бурахан Даканов өзінің Facebook парақшасында жазды. Автокөлік кілтін тапсыру жаңа кеңсенің ашылу салтанатында өтті.
"Бұл қазақстандық қоғамды кинозалдарда біріктірген тұңғыш фильм болды. Отандық картина көрермендердің жүрегіне жетті. Мұндай фильм режиссерінің еңбегі қандай құрметке де лайық, сол себепті ел жанашырына алғыс ретінде біз оған автокөлік сыйлауды ұйғардық", – деді Сырымбек Тау.
Режиссер Мұрат Есжан мұндай сыйлықты күтпегенін жасырмай айтты.
"Мен бұлай болады деп күткен жоқпын. Шын мәнінде, мені компанияның жаңа кеңсесінің ашылу салтанатына шақырған еді. Бірақ осындай сыйлық ұсынып жатыр. Шынайы ықылас-ниеттеріне алғыстан басқа айтарым жоқ", – дейді ол.
![](/assets/thumbnails/9a/9a9972faba03475642389a998b81afa2.jpg ""Ұлымды үйлендірсем, бір қыздың обалына қалам ба деп қорқамын"")
![](/assets/thumbnails/fa/fa7b1d74282ee80d4dcfe07aaa184115.jpg ""Көре алмайтындардың кесірінен енем өте ауыр сөз айтты"")
![](/assets/thumbnails/56/56e45b58f74152f09635ae44f6a8ada3.jpg ""Салақ, өсекші" - жас келін келін енесінен емес, қайын әпкесінен зардап шегіп жүргенін айтты")
