Қазақстан +997 телефон кодына 2025 жылы көшеді

ERNUR.KZ. Қазақстан 2025 жылдан бастап жаңа +997 телефон кодына көшеді, деп жазады Stan.kz.

ҚР Цифрлық даму, инновациялар және аэроғарыш өнеркәсібі министрлігінің телекоммуникациялар комитетінің мәліметінше, еліміз жаңа кодқа 2025 жылдың қаңтарынан бастап ауысады. Комитет өкілдері +997 телефон кодын енгізу туралы жоспар әзірленіп, бекітіліп қойғанын жеткізді.

Қазақстан жаңа кодты өткен жылы резервке алып қойған. Халықаралық электр байланысы одағының ұсынымдарына сәйкес, қолданыстағы кодты жаңа +997 кодымен бірге екі жыл бойы қатар пайдалануға болады. Ал халықаралық интернет-платформаларды жаңа телефон кодтарына көшіру жұмыстары қосымша иелерімен бірге пысықталуда.

Еске салсақ, бұған дейін Қазақстанның +997 кодына көшуі туралы айтылған еді.