Қазақстан мен Өзбекстан шекараны демаркациялау мәселесіне нүкте қояды

0
594

Келіссөздер достық пен өзара түсіністік сипатында өтті, деп атап өтті Қазақстан сыртқы саяси ведомствоның өкілі.


Қазақстан мен Өзбекстан шекараны демаркациялау мәселесіне нүкте қояды

ERNUR.KZ. Қазақстан мен Өзбекстан екі ел арасындағы мемлекеттік шекараны демаркациялау туралы қорытынды шарттың жобасын қол қоюға дайындады, деп жазады sputnik.kz.

СІМ ресми өкілі Айбек Смадияров 14-19 қараша аралығында Ташкентте Бірлескен Қазақстан-Өзбекстан демаркациялық комиссиясындағы қазақ-өзбек үкіметтік делегацияларының отырысы өткенін еске салды. Жиында екі ел арасындағы шекараға белгі қою мәселелері қаралған.
"Тараптар Қазақстан мен Өзбекстан арасындағы қазақ-өзбек мемлекеттік шекарасын шегендеу туралы шартттың жобасын, аталған шартқа қосымша шекараны демаркациялау туралы қорытынды шарттардың жобаларын қол қоюға дайындады", - деді Смадияров сыртқы істер министрлігінде өткен апта сайынғы брифингте.
Сонымен қатар тараптар Бірлескен Қазақстан-Өзбекстан демаркациялық комиссиясының жұмысы туралы қорытынды хаттамаға қол қойды.
Келіссөздер достық пен өзара түсіністік сипатында өтті, деп атап өтті Қазақстан сыртқы саяси ведомствоның өкілі.
Смадияровтың айтуынша, шартқа сәйкес, Қазақстанның Өзбекстанмен шекарасы демаркацияланады.