Қазақстан мұнайына – 125 жыл! Еңбек адамдарына құрмет көрсетілді

Биыл Қазақстан жерінде мұнай ресурсы өндіріле бастағанына 125 жыл толып отыр. Атап өтсек, алғашқы қара алтын өндірісі 1899 жылы Атырау жеріндегі Қарашүңгіл деп аталатын кен нүктесінде басталған. Осыған орай және Қазақстандағы мұнай және газ кешені қызметкерлерінің кәсіби мерекесі аясында еліміздегі алпауыт компаниялардың бірі – «ҚазМұнайГаз» ұлттық компаниясының басшысы сала қызметкерлерін арнайы құттықтап, еңбек адамдарына құрмет грамотасы мен мерейтойлық төсбелгілерді табыстады.

Асхат Хасенов ұлттық мұнай-газ компаниясының Басқарма төрағасы ретінде мұнай жнәе газ өнідірісі Тәуелсіз Қазақстанның негізгі қуатына айналғанын атап өтті. Сонымен қатар, аталған саланы жан-жақты дамыту жұмыстары тоқтаусыз жүргізіліп жатқандығын, жаңғырту мен даму басты назарда екендігін айтты.

Сондай-ақ, ұлттық мұнай-газ компаниясында ерен еңбек етіп, өндірісте маңдай терін төккен ардагер зейнеткерлер Б.Қитуев, К.Рахметова, Ш.Ержігітова, С.Кәрімов, С.Әбдуәлиева, А.Бердімұратов, Ә.Асқанбеков, Қ.Қасымова мен М.Көпеевке мерекелік медельдар табысталды.

Одан бөлек, «ҚазМұнайГазға» еншілес ұйымдардың жұмысшылары да марапатталды. Атап айтқанда: «Өзенмұнайсервис» ЖШС-ның қызметкері О.Шодиров, «Ембімұнайгаз» АҚ-ның қызметкері М.Мұқанбетқалиев, «Павлодар мұнай-химия зауыты» ЖШС-ның қызметкері Қ.Байбакиров, «Өзенмұнайгаз» АҚ-ның жұмысшысы Қ.Алиев, «Атырау мұнай өңдеу зауыты» ЖШС-ның қызметкері Т.Шеруенов, «Қазақойл Ақтөбе» ЖШС-ның қызметкері Ж.Сарқытов, «ҚазТрансОйл» АҚ-ның қызметшісі С.Купешев, «Ембімұнайгаз» АҚ-ның жұмысшысы М.Сыдықов, «Қаражанбасмұнай» АҚ-ның басшылық құрамындағы М.Садуақасов және «Маңғыстаумұнайгаз» АҚ-ның қызметкері С.Изекенов Қазақстан Республикасы Энергетика министрлігінің «Еңбек ардагері» медалін және «Мұнай-газ кешенін дамытуға қосқан үлесі үшін» медалін тағынды.

Сонымен бірге, «ҚазМұнайГаз» корпоративтік орталығында жұмыс істейтін қызметкерлер: З.Баян, Р.Адиев, А.Тарғын, А.Мурзабаева, Н.Айтжанов, Г.Тұяқбаева, О.Ярмухамедова, Ә.Тезекова, Т.Ермұхаметов, Н.Көбеева мен Т.Борщева сынды азаматтар Қазақстан Республикасы Энергетика министрлігінің «Құрмет» грамотасы, «KAZENERGY» Қазақстан мұнай-газ және энергетика кешені ұйымдарының қауымдастығының медалі, «Самұрық-Қазына» АҚ-ның Құрмет грамотасы, «ҚазМұнайГаз» Құрмет грамотасы, «ҚазМұнайГаз» естелік белгісі және» Қазақстан мұнайына 125 жыл» мерекелік медалі сынды марапаттарға ие болды.

Б.Мейірханұлы,

ERNUR.KZ