Қазақстанда әкімдер жаңа өкілетке ие болады

0
571

Әкімдер самокаттар жүрісін реттеуге өкілеті болады, олар өздерінің қосымша ережелерін белгілей алады.


Қазақстанда әкімдер жаңа өкілетке ие болады

ERNUR.KZ. Қазақстанда әкімдер жаңа өкілетке ие болады. Бұл туралы бүгін Сенат кулуарында ішкі істер министрінің орынбасары Игорь Лепеха мәлімдеді, деп жазады tengrinews.kz.

Сенат кулуарында журналистер министрдің орынбасарынан мопедтер мен электрскутерлер мәселесі қалай реттелетінін сұрады.

"Қазір түзетулердің екінші пакеті жүріп жатыр, оны қабылдағаннан кейін шын мәнінде түбегейлі өзгерістер болады. Біріншіден, барлық мопедтер, қозғалтқыш көлеміне қарамастан, көлік құралына жатқызылады және оларды жүргізу үшін А1 санатындағы жүргізуші куәлігі қажет болады. Тиісінше, барлық мопедтті есепке алып, тіркейтін боламыз", - деді Игорь Лепеха.

Вице-министрдің айтуынша, бүгінде мопед жүргізушілері іс жүзінде ешқандай жауапкершілік көтермейді.
"Бұл пакетте тағы бір өте маңызды норма бар: әкімдердің самокаттар жүрісін реттеуге өкілеті болады, олар өздерінің қосымша ережелерін белгілей алады - қайда жүруге болады, қайда жүруге болмайды, олардың қозғалысына қай уақытта тыйым салу керек", - деді түсіндірді ол.