Денсаулық сақтау вице-министрі Ербол Оспановтың келтірген дерегінше, жүйе енгізілгелі бері елдегі емдеу мекемелері 16,5 млн, ал дәріханалар 21,5 млн-нан аса таңбаланған дәрілік заттарды қабылдаған.
ERNUR.KZ. Үкіметте дәрілік заттарды таңбалау және қозғалысын бақылау жүйесі жұмысының аралық нәтижелері қарастырылды. ҚР Премьер-министрінің орынбасары Тамара Дүйсенованың төрағалығымен өткен кеңеске Денсаулық сақтау министрлігі, «СҚ Фармация» және «Қазақтелеком» компанияларының өкілдері қатысты, деп хабарлайды Primeminister.kz.
Денсаулық сақтау вице-министрі Ербол Оспановтың келтірген дерегінше, жүйе енгізілгелі бері елдегі емдеу мекемелері 16,5 млн, ал дәріханалар 21,5 млн-нан аса таңбаланған дәрілік заттарды қабылдаған. Сонымен қатар шамамен 12 млн дәрі қаптамасын сатқан.
Дәрілік заттарды таңбалау және бақылау жүйесі елімізде өндірілген немесе сырттан әкелінген әрбір дәрі-дәрмектің айналымнан толық алып тастағанға дейінгі қозғалысын онлайн режимінде қашықтан бақылауға мүмкіндік береді.
«Басты мақсат – азаматтарды қауіпсіз әрі сапалы дәрі-дәрмекпен қамтамасыз ету. Ашық бақылау контрафактілі дәрілердің айналымға түсуіне жол бермейді және Денсаулық сақтау министрлігі мен жергілікті әкімдіктерге емдеу мекемелерінің дәрілік заттармен қамтылу деңгейін бақылауға жағдай жасайды. Сондай-ақ дәрі-дәрмектің мақсатты қолданылуын қадағалауға мүмкіндік беретінін атап өткім келеді. Сондықтан бұл тетікті мейлінше пайдалана отырып, қажет болған жағдайда тиісті шараларды қабылдау қажет», — деп тапсырды Тамара Дүйсенова.
![](/assets/thumbnails/79/7935071c4ffb3594cc80e3433fad1b5f.jpg ""Дәрі ішіп өзің түсік жасаған шығарсың": жас келіншек өзін енесі қалай айыптағанын айтты")
![](/assets/thumbnails/c2/c2999131b96b3fb9217bceae242a4111.png ""Әке-шешем "Ұзатып алсын" деп алдап, сүйгенімнен ажыратып жіберді"")
