Сонымен қатар дәрі-дәрмек және жерлеу рәсімдерінің де бағасы өскен.
ERNUR.KZ. Биылғы сегіз айда баға азық-түлік емес тауарларға – 3,4%, ақылы қызметтерге 2% қымбаттады, деп жазады Azattyq Rýhy.
Баға дәрі-дәрмекке – 7,5%, жуғыш және тазалағыш құралдарға – 7,1%, тұрмыстық аспаптарға – 5%, құрылыс материалдарына – 4,9%, автомобильдерге – 4,7%, ноутбуктерге – 3,3%, кеңсе тауарларына 3,2% жоғарылады. Бензин 2,6% қымбаттады.
Сондай-ақ, баға жерлеу қызметтеріне 5,7% артқан. Денсаулық сақтау қызметтеріне – 4,3%, шаштараздар мен сұлулық салондар қызметтеріне – 3,8%, қоғамдық тамақтандыру қызметтеріне 2,5% өсті.
Интернет желісіне қосылу үшін абоненттік төлем 2,2% жоғарылады. Қалалық көлікпен (такси) жол жүру ақысы – 6%, пойыз билеттері 4,4% қымбаттады.
Қоқыс шығару бағасы – 11,1%, электр энергиясына 3,5% артты.
