Мемлекет басшысы Қасым-Жомарт Тоқаев 1 қыркүйектегі жолдауында салықтар санын қысқартуды тапсырған болатын.
ERNUR.KZ. Қазақстанда салықтар мен төлемдердің санын қысқартылады. Бұл туралы ұлттық экономика министрі Руслан Дәленов мәлімдеді, деп жазады Sputnik Қазақстан.
Министрдің айтуынша, бүгінде Салық кодексінде 12 салық, 48 кіші салық түрлері, 10 төлемақы және 6 алым көзделген.
"Тиісінше, салықтар мен төлемдер санын барынша азайту бойынша жұмыс жүргізілетін болады. Экономиканың қатты зардап шеккен секторлары үшін баламалы негізде айналымнан бөлшек сауда салығын төлеу құқығын қолдану мәселесі зерделенеді", – деді Дәленов үкімет отырысында.
Сондай-ақ, салық мөлшерлемелерін саралау мүмкіндіктері зерделенеді. Бюджеттің түйінді коэффиценттері жиынтығы әзірленеді.
"Бюджет саясатының тиімділігі мен тұрақтылығын бағалау енгізіледі. "Кеңейтілген бюджетті" енгізу аясында шоғырландырылған бюджетке бюджеттен тыс қорларды қосу арқылы мемлекеттік қаржыны кешенді бағалау енгізіледі", – деді министр.
1 қыркүйекте президент Қасым-Жомарт Тоқаев жыл сайынғы жолдауында салықтар санын қысқартуды тапсырған еді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
