​Қазақстанда үш банк біріктірілмекші

ERNUR.KZ. "AsiaCredit Bank (АзияКредит Банк)" және "Capital Bank Kazakhstan" АҚ еліміздегі "Tengri Bank" АҚ-мен бірікпек. Мұндай мәлімет Қазақстан қор биржасының (KASE) сайтында жарияланған, деп жазады BAG.KZ.

«Бағалы қағаздары Қазақстан қор биржасының (KASE) ресми тізімінде тұрған "Tengri Bank" АҚ (Алматы), Қазақстан қор биржасына 2019 жылдың 31 мамырында сағат 12:00-де "Tengri Bank" АҚ, "AsiaCredit Bank (АзияКредит Банк)" АҚ және "Capital Bank Kazakhstan" АҚ акционерлерінің жылдық бірлескен жалпы жиналысы өтетіні туралы хабарлады», - делінген биржа сайтында.

Жиналыстың күн тәртібінде:

- "Tengri Bank" АҚ, "AsiaCredit Bank (АзияКредит Банк)" АҚ және "Capital Bank Kazakhstan" АҚ акционерлерінің "AsiaCredit Bank (АзияКредит Банк)" және "Capital Bank Kazakhstan" АҚ "Tengri Bank" акционерлік қоғамына бірігу арқылы ерікті түрде қайта құрылуы;

- AsiaCredit Bank (АзияКредит Банк)" және "Capital Bank Kazakhstan" АҚ "Tengri Bank" акционерлік қоғамына бірігу туралы келісімшартын бекіту мәселесі қаралмақ.