Облыстық полиция департаменті ұсынған ақпаратқа сәйкес, 45 жастағы Тәжікстан азаматы Соғды облысында жасалған алаяқтық әрекеті үшін айыпталған.
Sputnik / Владислав Воднев
ERNUR.KZ Ақмола облысында бес жыл бойы халықаралық іздеуде жүрген қылмыскер ұсталды, деп жазады Sputnik Қазақстан.
Облыстық полиция департаменті ұсынған ақпаратқа сәйкес, 45 жастағы Тәжікстан азаматы Соғды облысында жасалған алаяқтық әрекеті үшін айыпталған. Бірақ 2021 жылы тергеу органдарынан қашып үлгерген. Сол кезде Қазақстан аумағына өтіп кеткен.
"Осы уақытқа дейін халықаралық іздеуде жүрген ер адам бірнеше өңірде тұрып, Шымкент пен Астана қалаларының құрылыс нысандарында қара жұмысшы болып істеген. Ал 2025 жылы желтоқсан айында Шортанды ауданының Жолымбет кентіне келген. Жергілікті полицейлер оның іздеуде жүргенін анықтап, қамауға алды", - дейді полицейлер.
Қазіргі кезде тексеріс шаралары басталды. Соның нәтижесінде қажетті материалдар жинақталады. Тәжікстан азаматы уақытша ұстау изоляторына тоғытылды. Оны өз еліне экстрадициялау мәселесі заңмен бекітілген тәртіппен шешіледі.
![](/assets/thumbnails/74/74447a739ab5890eb82f791e9bf25a99.jpg ""Енемнің енесі ұзақ жасаса екен": жас келін әжесінің ғибратты әңгімелерін жақсы көретінін айтты")
