Куәгерлердің айтуынша, жүргізуші Сәтпаев көшесімен батыс бағытта келе жатып белгісіз себептермен көлікті басқара алмай қалған.
ERNUR.KZ. Алматыда Сәтпаев пен Манас көшелерінің қиылысында болған апат салдарынан әйел мен үш бала зардап шекті, деп жазады Sputnik Қазақстан.
Оқиға бүгін, 14 қарашада болды. Куәгерлердің айтуынша, жүргізуші әйел Mitsubishi Pajero автокөлігін Сәтпаев көшесімен батыс бағытта жүргізіп келе жатқан.
Белгісіз себептермен ол көлікті басқара алмай қалған. Нәтижесінде автокөлік аударылып, жаяу жүргіншілерге арналған жерасты өткеліне құлаған.
Жол апатынан төрт адам жарақат алды – жүргізуші мен үш бала. Барлығы жақын ауруханаға жеткізілді.
Құқық қорғау органдарының қызметкерлері оқиға орнында жұмыс істеуде.
