Қыз үйден шығып кетіп қайта оралмаған.
ERNUR.KZ. Қостанай облысы Қостанай ауданында полицейлер 17 жастағы Арузат Құрманғалиеваны іздеп жатыр, - деп жазады Tengrinews.kz.
"2020 жылғы 4 қазанда Полиция бөліміне Заречный ауылының тұрғыны хабарласқан. Ол 2003 жылы 30 қыркүйекте туған қызы Құрманғалиева Арузат Әзірхановна үйден шығып кеткеннен оралмағанын айтқан", - делінген аймақтағы Полиция департаментінің баспасөз қызметі таратқан хабарламада.
Қыздың үстінде көк түсті күртеше, көк джинсы, аяғында кроссовки болған. Кәмелет жасына толмаған қыздың қайда екенін білетін азаматтар полицияның 102 нөміріне хабарласуға болады.
