2021 жылғы шілдемен салыстырғанда бағалар 11,6%-ға өсті, бұл өткен жылмен салыстырғанда айтарлықтай аз, ол кезде баға бірден 65,8%-ға өскен.
ERNUR.KZ. Қазақстанда күнбағыс майы өндірісінің ұлғаюы байқалды. Алайда, соған қарамастан өнім бір жыл ішінде 12 пайызға қымбаттады, деп жазады Zakon.kz.
Energyprom.kz берген мәліметтерінде, өңірлік контексте күнбағыс майы өндірісінің жалпы көлемінің жартысына жуығы Шығыс Қазақстан облысына тиесілі: 78,1 мың тонна тазартылмаған және 33,6 мың тонна тазартылған май.
Сонымен қатар, тазартылмаған күнбағыс майын өндірудің айтарлықтай көлемі Абай (43,8 мың тонна) және Қостанай (9,1 мың тонна) облыстарына, тазартылған – Шымкент (24,2 мың тонна) және Алматы (10,4 мың тонна) облыстарына тиесілі.
Қазақстандық күнбағыс майын өндірушілер ағымдағы жылдың қаңтар-мамыр айларында сұранысты 83,5%-ға жауып, тиісінше импорт 16,5%-ды құрады. Өткен жылдың қаңтар-мамыр айларымен салыстырғанда өндіріс көлемі 29,6%-ға, ал импорт 26,6%-ға артты, делінген зерттеуде.
2022 жылдың шілде айының қорытындысы бойынша, сарапшылардың бағалауынша, күнбағыс майы бір айда 1,4%-ға қымбаттады, ал жыл басынан бері бағаның өсуі 8,1%-ды құрады.
2021 жылғы шілдемен салыстырғанда бағалар 11,6%-ға өсті, бұл өткен жылмен салыстырғанда айтарлықтай аз, ол кезде баға бірден 65,8%-ға өскен.
