Мас физрук пен завуч: Алматы полициясы тексеруге кірісті

ERNUR.KZ. Алматы ПД баспасөз қызметі мектеп қызметкерлері түсіп қалған бейнероликке қатысты түсініктеме берді, деп жазады Zakon.kz.

– Бұл факті бойынша Алатау аудандық полиция басқармасына арыз келіп түсті. Тексеру жүргізілде, заңға сай шаралар қолданылады, – деп хабарлады Алматы полициясының баспасөз қызметі.

Еске сала кетсек, желіде №160 мектептің дене шынықтыру мұғалімі мен меңгерушісі мас күйде болып, мектептің жанында ойнап жүрген балаларға шүйліккен сәтінің видеосы пайда болды. Мастар мопедтерді, балалардың өздерін тепкен. Мектеп болса бұл қызметкерлерді жұмыстан шығаратынын айтқан.