Мұғалімдердің еңбек демалысы 42 күннен 56 күнге дейін ұлғайды

29.03.2022 16:53

697

Мұғалімдердің оқу жүктемесі стандартты болады – 17 сағатқа дейін.

ERNUR.KZ. ОКҚ алаңында өткен брифинг кезінде Мектепке дейінгі және орта білім комитеті төрайымы Гүлмира Кәрімова биыл «Жазғы мектеп» жобасы өтетінін айтып, мұғалімдер еңбек демалысына уақытылы жіберілетінін атап өтті, деп жазады baq.kz.

Оның сөзінше, білім сапасын арттыру және оқушылардың біліміндегі олқылықтарды толтыру үшін «Жазғы мектеп» 2022 жылдың 26 мамыры мен 17 маусымы аралығында өтеді.

Бұл шара балаларға білімін нығайтуға және пандемия кезінде онлайн оқытуға байланысты олқылықтардың орнын толтыруға көмектеседі. Жазғы мектептерге бару мектеп оқушылары мен олардың ата-аналарының өтініші бойынша мүмкін екенін ескеру қажет. Жазғы мектепте оқуды қызықты ету үшін пәндік сабақтардан басқа бағдарламаға экскурсиялар мен ашық сабақтар, ғылыми-зерттеу және зертханалық жұмыстар, шығармашылық студиялық жұмыстар, спорттық және шығармашылық іс-шаралар енгізілді, - деп атап өтті БҒМ өкілі.

Мұғалімдердің оқу жүктемесі стандартты болады – 17 сағатқа дейін. Жазғы мектеп аяқталғаннан кейін бірден еңбек демалысы беріледі, ол 42 күннен 56 күнге дейін ұлғайды.

Жазғы мектептерде 1-8 және 10-сынып оқушылары оқи алады. Студенттер дүйсенбіден жұмаға дейін сағат 9.00-ден 14.00-ге дейін икемді кесте бойынша оқиды. Сабақтардың ұзақтығы 45 минутты құрайды. Оқу тегін және мектептің бекітілген оқу жоспары бойынша өтеді, - деп айтты комитет төрағасы.

Айтуынша, сабақтарды ойын түрінде де өткізуге болады.