Нұр-Сұлтанда көшеге Шыңғысхан ұлының есімін беру ұсынылды

ERNUR.KZ. Мәжілісі депутаты Бахытбек Смағұл Нұр-Сұлтан қаласындағы көшелердің біріне Шыңғысханның үлкен ұлының есімін беруді ұсынды, деп жазады tengrinews.kz.

"Алтын Ордағы 750 жыл толуына байланысты Нұр-Сұлтандағы басты көшелердің біріне Жошы хан есімін беруді және осы көшеде Үлкен Ұлыс ханына ескерткіш қоюды ұсынамыз. Менің ойымша, бұл біздің ұлттық рухымызды асқақтатып, мемлекеттігімізді өз азаматтарымызға ғана емес, елорданың әрбір қонағына көрсете алар едік", - деді Смағұл депутаттық сауалында.

Сондай-ақ, мәжілісмен Қарағанды облысындағы Жошы хан мавзолейін де айтып өтті.

"Біздің елдегі Шыңғысханның және оның әулетінің жалғыз ізі. Бұл кесене әлемдік тарихты өзгерткен тұлғаға тиесілі екенін еске салатын ұлы ескерткіш салу маңызды. Шыңғысханның үлкен ұлы тарихи кешені тек Шығыс елдерінен ғана емес, бүкіл әлемнің зерттеушілері мен саяхатшыларын қызықтыратыны сөзсіз", - деді депутат.

Жошы - Шыңғысханның бірінші әйелі Бөртеден туған тұңғыш ұлы. Орталық Азияны жаулап алуға қатысқан, Сырдарияның төменгі жағында жеке жасақ басқарған қолбасшы. Бахытбек Смағұлдың айтуынша, қоғам өкілдері мен ғалымдар қазақ жерінде үлкен Ұлыстың (Алтын Орда) негізін қалаушы ретінде қазіргі Қазақстанда Жошы ханға құрмет көрсету мәселесін көтерген.