Нұр-Сұлтанда мас жігіт қоғамдық көлікті мініп кеткен

ERNUR.KZ. Нұр-Сұлтанда мас жігіт қоғамдық көліктің жүргізушісінің көзінше автобусты айдап әкеткен, деп жазады Tengrinews.kz.

3 ақпанда шамамен таңғы 7-де полицияға жүргізуші хабарласып, белгісіз ер адамның MAN SL маркалы автобусты рұқсатсыз айдап кеткенін айтқан.

"Жүргізушінің айтуынша, таңғы уақытта автопарк маңында ол автобусты қыздыру үшін оталдырған. Өзі диспетчерге кеткен уақытта, сол маңнан кетіп бара жатқан ер адам автобус салонына кірген. Ол автобусты айдап кетті. Алайда ол ұзаққа кете алмаған, құқық қорғаушылар қаскөйді көп ұзатпай тоқтатқан. 07:18-де полиция қызметкерлері бейнебақылау камералары арқылы Республика даңғылы мен Дүкенұлы көшесінің қиылысында қаланың 28 жастағы тұрғынын ұстады", - делінген хабарламада.

Полициядағылар жігіттің орта деңгейлі мас болғанын айтады. Осы дерекке қатысты сотқа дейінгі тергеу шаралары ҚР Қылмыстық кодексінің 200-бабының 1-бөлігі бойынша жүріп жатыр.