Қазіргі уақытта соталды тергеу жүріп жатыр
фото: Tengrinews.kz
ERNUR.KZ. Астанада журналисті өлтірді деген күдікті ұсталды, деп жазады Tengrinews.kz.
"ІІМ Криминалдық полиция департаментінің жедел уәкілдері қызғаныштан Nur.kz журналисі Ирина Бекетованы өлтірді деген күдікті А.М.Гусеинов Ақмола облысы Аршалы ауданы Ижевск ауылында Есіл өзенінің жағасындағы тастанды үйден ұсталып, уақытша ұстау изоляторына қамалды", - делінген хабарламада.
Ұстау операциясы шұғыл жүргізіліп, күдікті қашуға тырысқан жоқ, полицейлер оны кенеттен ұстаған. Қазіргі уақытта соталды тергеу жүріп жатыр.
Еске сала кетейік бұған дейін NUR.KZ порталының Астана қаласындағы тілшісі Ирина Бекетованы өлтіріп кеткені турасында жариялаған болатынбыз.
