Бұған дейін мектепте мемлекеттік аудит болды.
фото: Pixabay / Jana Schneider
ERNUR.KZ. Орал қаласында Серебряков орта мектебінің әкімшілігі 75 мұғалімді сотқа беріп, бюджеттен артық төленген жалақыны қайтаруды талап етті, деп жазады sputnik.kz.
Бұған дейін мектепте мемлекеттік аудит болды. Сол кезде бас бухгалтердің қылмысы анықталды. Ол 2021-2022 жылдары аралығында 75 педагогқа жалақыны артығымен есептеп, мектепті 42 млн теңгеге қарызға батырған. Басшылық мұғалімдерден осы ақшаны қайтаруды талап етті.
"Алайда сотта мектеп әкімшілігінің өкілдері педагогтардың қандай да бір құқыққа қарсы әрекеттер жасағанын, соның салдарынан оларға артық қаражат аударылғанын дәлелдейтін дәлелдемелерді ұсына алмаған. Осыған байланысты №2 Орал қалалық соты мектептің талабын қанағаттандырмады", - делінген ресми хабарламада.
Судья еңбек және азаматтық заңнама бойынша артық төленген жалақыны қайтаруға негіз жоқ екенін атап өтті.
Мектеп басшылығы апелляцияға да барды. Бірақ сот шешімі өзгеріссіз қалды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
