Орташа жылдамдықты асырған жүргізушілерге айыппұл салынған жоқ – себебі белгілі болды

0
215

4 желтоқсанда жол ережесіне енгізілген маңызды өзгеріс күшіне енді


Орташа жылдамдықты асырған жүргізушілерге айыппұл салынған жоқ – себебі белгілі болды

фото: Pixabay / Pexels

ERNUR.KZ. Ішкі істер министрінің орынбасары Игорь Лепеха орташа жылдамдық бұзған жүздеген көлік жүргізушісіне айыппұл салынбағанын мәлімдеді, деп жазады sputnik.kz.
Қазіргі кезде ақылы жолдарда нақты 16 учаскеде орташа жылдамдықты есептеу жүйесі енгізілді. Тасжолдарда орнатылған бейнебақылау камералары көліктің бір аркадан екінші аркаға дейінгі уақытын тіркеп, ең соңында орташа жылдамдығын есептеп шығарады.
"Бұл жүйе әзірше тесттік режимде істеп тұр. Осы айдың ішінде орташа жылдамдықты бұзудың 585 фактісі анықталды. Тесттік режим болғасын айыппұл салынбайды", - деді Лепеха журналистерге берген сұхбатында.
Осы орайда министрдің орынбасары тек ресми ақпаратқа сенуге шақырды. Бүгінде бірде-бір адамды орташа жылдамдықты бұзғаны үшін жауапкершілікке тартқан жоқ.
Айта кетері, 4 желтоқсанда жол ережесіне енгізілген маңызды өзгеріс күшіне енді. Оған сәйкес, халықаралық және республикалық жолдарда орташа жылдамдықты асырған көлік жүргізушілеріне айыппұл салынады. Айыппұлдың көлемі 5-40 АЕК (2024 жылда 18 460 – 147 680 теңге) болады. Мәселен, орташа жылдамдықты 60 шақырымға асырғандарға 150 мың теңге төлеуге тура келеді.