Өзбекстандық шекарада 148 дана киік мүйізімен ұсталды

RNUR.KZ. Өзбекстан азаматы Қазақстаннан 148 дана киік мүйізін алып өтпек болған, деп жазады baq.kz.

«Орал шекара отрядының «Сырым-авто» бөлімшесінде шекарашылар Ресейге ірі көлемде контрабандалық жүк өткізбек болған 49 жастағы Өзбекстан азаматын ұстады. Ұсталған азамат «Орал – Самара» бағытындағы жолаушылар автобусымен үлкен шамаданда 148 дана, жаңадан кесілген киік мүйіздерін алып өтпек болыпты. Контрабанданың жалпы құны 196 950 000 теңге деп есептелінді» - делінген хабарламада.