Өмірден озған Нышан Өмірәлі паратаеквондодан екі дүркін әлем чемпионы (Мәскеу, 2014, Лондон, 2017), Азия чемпионатының күміс жүлдегері (Хошимин-2022), пара Азия ойындарының күміс жүлдегері (Ханчжоу-2023), екі дүркін Паралимпиада ойындарының қатысушысы болатын.
Фото: olympic.kz
ERNUR.KZ. Белгілі болғандай, 1 қазанда сағат 22.15 шамасында "Батыс Еуропа-Батыс Қытай" автожолының 542-шақырымында "Ниссан Максима" маркалы автокөлігінің жүргізушісі Түркістан облысынан Тараз қаласына келе жатып, жолдың жүріс бөлігінде түйемен соқтығысқан. Автокөліктің салонында жүргізуші жалғыз болған, деп жазады inbusiness.kz.
Жол-көлік оқиғасы салдарынан ер адам Тараз қаласындағы №1 қалалық ауруханасына жеткізу барысында алған дене жарақатынан қайтыс болды.
Полиция қызметкерлері ҚР ҚК 345-бабы 3-бөлігі бойынша сотқа дейінгі тергеп-тексеруді бастады. Автокөлік арнайы айып тұрағына қойылды.
Жауапкершілікке тарту үшін мал иесін іздеу жұмыстары жүргізіліп жатқанын хабарлады.
Өмірден озған Нышан Өмірәлі паратаеквондодан екі дүркін әлем чемпионы (Мәскеу, 2014, Лондон, 2017), Азия чемпионатының күміс жүлдегері (Хошимин-2022), пара Азия ойындарының күміс жүлдегері (Ханчжоу-2023), екі дүркін Паралимпиада ойындарының қатысушысы болатын.
