Павлодарда бір күнде екі бала терезеден құлап, қаза болды

ERNUR.KZ. Павлодарда бір күнде екі жазатайым оқиға болды. Көпқабатты үйлер терезесінен екі бала құлап кетті, деп жазады Pavlodarnews.kz.

Облыстық ПД баспасөз қызметінің мәліметінше, 2019 жылғы бала бесінші қабатта орналасқан пәтердің терезесінен құлап кеткен. Басқа жағдайда жеті жасар бала Вс.Иванов көшесіндегі үйдің бесінші қабатында орналасқан пәтердің терезесінен құлаған.

- Екі жағдайда да балалар ауруханаларға жатқызылды, онда алған жарақаттарынан қайтыс болды, - деп хабарлады полиция департаменті бастығының бірінші орынбасары Жасқайрат Қайыров.

Полиция ата-аналардан баланы тіпті қысқа мерзімге қараусыз қалдырмауды, терезелерді ашық қалдырмауды, терезе жанында жиһаз қоймауды сұрайды. Себебі, оның көмегімен бала терезе алды тақтайына өздігінен көтерілуі мүмкін. Сондай-ақ балалар терезені өз бетінше аша алмайтындай етіп құлыптар мен тиектерді тексерген дұрыс.