Павлодарда жаппай жол апатына ұшыраған оқушылар ауруханадан шығарылды

ERNUR.KZ. Балалар екі апта бұрын мектеп автобусы мен өрт сөндіру көлігінің соқтығысуынан зардап шекті, деп жазады Pavlodarnews.kz.

Еске сала кетейік, 6 қазан күні Елгин және Щедрин көшелерінің қиылысында өрт сөндіруші КамАЗ және мектеп автобусы тұрақтағы «Фольксвагенге» соғылған. 10 және 15 жас аралығындағы сегіз балаға көмек қажет болды, үшеуі ауруханаға жатқызылды.

Облыстық денсаулық сақтау басқармасының хабарлауынша, үш оқушы облыстық балалар ауруханасының травматологиялық бөліміне түскен.

10 жасар бала жедел бас сүйек-ми жарақаты, мидың орташа ауырлықтағы жарақаты және бет сүйегінің сынған сүйектерімен ауруханаға жатқызылды. 14 және 15 жастағы екі оқушыға жабық бас-ми жарақаты мен бас миының шайқалуы диагнозы қойылды.

"Барлық үш бала стационарда толық емделу курсынан өтті, - деді ведомствода. - Балалар қанағаттанарлық жағдайда шығарылды, олар әрі қарай амбулаториялық емделу үшін тұрғылықты жері бойынша емханаларға жіберілді".

Облыстық полиция департаменті ЖКО бойынша сотқа дейінгі тергеу әлі аяқталмағанын айтты. Жол апатына кім кінәлі екені әлі белгісіз.